PORQUE YO DECIDO

Página de Inicio
Historia
Jueves de Comadres
Orígenes
Nuestra fiesta
  Comadres y Felpeyos
Actividades
Agenda
Áreas de trabajo
Hemeroteca
Publicaciones
Libros
En la web
CD
De interés
Enlaces
Contacto

Texto de Alicia Miyares; Traducción de Berta Piñán

 

Porque yo decido dende l´autonomía moral, que ye la base de la dignidá d´una persona, nun acepto imposición o prohibición dala no que toca a los mios drechos sexuales y reproductivos y, polo tanto, a la mio plena realización como persona. Como ser humanu autónomu niégome a ser sometida a tratos degradantes, inxerencies arbitraries y tuteles coactives na mio decisión de ser o nun ser madre.

Porque soi llibre invoco la llibertá de conciencia como bien supremu nel que asitiar les mios decisiones. Considero cínicos a quienes apelen a la llibertá pa restrinxila y malévolos a quienes, ensin importa-yos el xufrimientu que fain, quieren imponer a toos los sos principios basaos n´inspiraciones divines. Como ser humanu llibre niégome a aceptar una maternidá forciada y un réxime de tutela que condena a les muyeres a la “minoría d´edá sexual y reproductiva”.

Porque vivo en democracia y soi demócrata acepto les regles del xuegu que desllinden los drechos de los pecaos y la llei de la relixón. Nenguna mayoría absoluta nacida de les urnes, por mui absoluta que seya, va tar llexitimada pa convertir los drechos en delitos y obliganos a siguir principios relixosos mediante sanción penal. Como ciudadana desíxo-yos a los que nos gobiernen que nun tresformen el poder democráticu, salvaguarda de la pluralidá, en despotismu.

Porque yo decido, soi llibre y vivo en democracia desixo del gobiernu, de cualisquier gobiernu, que promulgue lleis que favorezan l´autonomía moral, preserven la llibertá de conciencia y garanticen la pluralidá y diversidá d´intereses.

Porque yo decido, soi llibre y vivo en democracia desixo que se caltenga la actual Llei de salú sexual y reproductiva y d´interrupción voluntaria del embarazu pa favorecer l´autonomía moral, preservar la llibertá de conciencia y garantizar la pluralidá d´intereses de toles muyeres.

Inicio página | Contacto | ©2005 Tertulia Feminista les Comadres